Shkup, 22 shtator – Rritje prej 3 për qind e BPV-së në katër tremujorët e ardhshëm, përshpejtim i ndërtimtarisë, rritje e turizmit dhe bujqësisë. Konsideroj se këto shifra janë rekomandim i mirë. Ne jemi treg i ri dhe duam që të zhvillohemi dhe si Qeveri duam që të prezantohemi para Qeverive me orientim biznesi, deklaroi kryetari i Qeverisë së Republikës së Maqedonisë së Veriut, Hristijan Mickoski, në hapjen e takimit me drejtorin ekzekutiv të Odës Ekonomike të Dubait, Mohamed Ali Rrashed Luta dhe përfaqësuesit e Odave Ekonomike në vend.
Në takimin, kryeministri Mickoski informoi se prioritet i Qeverisë është stabilizimi ekonomik i vendit, gjegjësisht, siç tha ai, të sjellim sa më shumë investime të huaja direkte dhe gjithashtu të mbështesë investitorët vendas direkt.
Para së gjithash, Mickoski informoi se gjatë katër tremujorëve të fundit, kemi arritur një rritje të prodhimit tonë të brendshëm prej 3 për qind. Kjo Qeveri u zgjodh rreth 15 muaj më parë dhe që nga fillimi prioriteti ynë kryesor ka qenë stabilizimi ekonomik i vendit. Ne dëshirojmë të prezantohemi si një Qeveri e cila orientohet drejt biznesit që dëshiron të mbështesë biznesin dhe mundësitë për biznes.
Të sjellim sa më shumë investime të huaja direkte dhe gjithashtu të mbështesim investitorët vendas direkt. Rezultati i këtyre aktiviteteve është rritje e ndjeshme e investimeve gjatë gjysmës së dytë të vitit të kaluar dhe gjysmës së parë të këtij viti, krahasuar me të njëjtën periudhë të viteve të mëparshme.
Në tremujorin e tretë të vitit 2024, arritëm një rritje të BPV-së prej 3 për qind, në tremujorin e katërt të vitit 2024 dhe tremujorin e parë të vitit 2025, 3.2 për qind, dhe në tremujorin e dytë, arritëm një rritje të BPV-së reale prej 3.4 për qind.
Theksoi se kemi një rritje nominale prej 7.8 për qind, që është shumë e rëndësishme për të gjithë ne, sepse në fillim, kur po hartonim buxhetin tonë për këtë vit fiskal, disa nga institucionet financiare ndërkombëtare ishin shumë të shqetësuara se nuk do të ishim në gjendje të arrinim 7.5 për qind të BPV-së nominale. Por arritëm edhe mbi 7.5 për qind, dhe kjo është shumë e rëndësishme për ne.
“Po përshpejtojmë ndërtimtarinë, turizmin, bujqësinë dhe veçanërisht i kushtojmë vëmendje eksportit të produkteve bujqësore që prodhohen nga bujqit tanë dhe mendoj se deri më tani po shkon mirë. Kemi konsoliduar ekonominë dhe kemi krijuar një klimë të mirë biznesi. Nuk ka më politikanë që ushtrojnë presion mbi bizneset. Ky ishte hapi im i parë, për të çliruar bizneset nga presionet e jashtme politike, theksoi Mickoski dhe shtoi: Nëse analizojmë tregun evropian, atëherë mund të konkludojmë se kemi arritje të jashtëzakonshme, për shkak se tregu evropian po përballet me sfida të mëdha, veçanërisht kur bëhet fjalë për industrinë automobilistike. Konsideroj se për momentin ofrojmë zgjidhje të mira dhe mendoj se ideja juaj për të gjetur një dritare tjetër të mundësive, veçanërisht në tregun afrikan kur bëhet fjalë për pjesë rezervë për automobila, është një ide vërtet e mirë”, shtoi Mickoski.
Lidhur me turizmin, kryeministri Mickoski theksoi se në 7 muajt e fundit që nga fillimi i këtij viti kemi pasur një rritje prej 15 për qind për vizitorët dhe 10 për qind kur bëhet fjalë për netë-qëndrimet.
“Dua të theksoj se turizmi është gjithashtu pjesë e prioriteteve tona. Në 7 muajt e fundit që nga fillimi i këtij viti kemi pasur një rritje prej 15 për qind për vizitorët dhe 10 për qind për netë-qëndrime. Do të donim të arrinim 1.5 milion turistë gjatë gjithë vitit dhe një numër më të madh netë-qëndrimesh gjatë gjithë vitit. Nuk do të habitesha nëse do të arrinim një rritje prej 4 për qind të BPV-së deri në fund të tremujorit të tretë të këtij viti. Konsolidimi i buxhetit është tashmë drejt përfundimit. Besoj se deficiti buxhetor do të jetë më pak se 4%, shpenzimet kapitale janë në një nivel të mirë.
Mickoski theksoi se Qeveria është e fokusuar në ndërtimin e autostradave, rrugëve të shpejta, shkollave dhe projekteve të tjera të rëndësishme për qytetarët.
Sigurisht, industria e ndërtimit dhe shpenzimet kapitale lidhen me ndërtimin e autostradave, rrugëve të shpejta, shkollave dhe llojeve të tjera të shpenzimeve kapitale, të cilat janë prioriteti ynë, theksoi Mickoski dhe shtoi se shkalla e inflacionit në muajin korrik ishte rreth 4 për qind në bazë vjetore, në bazë mujore kemi 0.2 për qind.
“Presim që deri në fund të kemi një normë mesatare inflacioni rreth 4 për qind ose më pak se 4 për qind. Do të vazhdojmë të punojmë për konsolidimin e normës së inflacionit në 3 për qind, që do të jetë qëllimi ynë në afat të shkurtër. Prandaj, mendoj se këta tregues mund të jenë një rekomandim i mirë”, pote ncoi kryeministri.
Mohamed Ali Rashed Luta, kryetar dhe drejtor ekzekutiv i Odës së Tregtisë së Dubait, gjatë takimit theksoi se shkalla e inflacionit në korrik ishte rreth 4 për qind në vit, në bazë mujore kemi 0.2 për qind. Presim të kemi një normë mesatare inflacioni prej rreth 4 ose më pak se 4 për qind deri në fund. Do të vazhdojmë të punojmë për konsolidimin e normës së inflacionit në 3%, që do të jetë qëllimi ynë në afat të shkurtër. Prandaj, besoj se këta tregues mund të jenë një rekomandim i mirë.
“Bashkëpunimi në rritje midis Dubait dhe Maqedonisë së Veriut pasqyron ambicien tonë të përbashkët për të ndërtuar ekonomi të qëndrueshme dhe për të nxitur zhvillimin e qëndrueshëm. Tregtia midis tregjeve tona ka arritur një total prej 495 milionë dollarësh amerikanë gjatë pesë viteve të fundit, duke nënvizuar një trend afatgjatë të angazhimit pozitiv dhe mundësive në rritje. Ky moment reflektohet edhe në praninë në rritje të kompanive maqedonase në Dubai në sektorë të ndryshëm”, shtoi Ali Rashed Luta.
Kryetari dhe drejtori ekzekutiv i Odës Ekonomike të Dubait, shtoi se Oda Ekonomike e Dubait mbetet e përkushtuar për forcimin e lidhjeve midis komuniteteve tona të biznesit dhe promovimin e flukseve të investimeve që përparojnë prioritetet tona të përbashkëta. Shohim potencial të rëndësishëm në këtë partneritet dhe jemi të vendosur të sigurohemi që ai do të japë rezultate të prekshme përmes tregtisë së zgjeruar dhe bashkëpunimit më të thellë për të formësuar prosperitetin afatgjatë të të dy tregjeve.