Shkup, 23 maj – ASH krahu i Arben Taravarit çdo ditë e më shumë po dobësohet për shkak të largimeve masive që po bëhen.
Pas dorëheqjes së deputetit Sulejmani ditë më parë, vjen edhe një largim tjetër nga ana e deputetes Mimoza Musa e cila i kthen shpinën Taravarit për të vazhduar rrugën e ndryshimit ashtu siç thotë dhe ajo në postimin e saj, shkruan zhurnal.
Krahas largimeve nga ana e funksionarëve të lartë, Taravarit i kthejnë shpinën dhe një pjesë e madhe e elektoratit për shkak se nuk pranojnë në asnjë mënyrë bashkëpunimin e tij me BDI.
Dhe pas gjithë këtyre ndodhive në skenën politike, a duhet Arben Taravari për çështje morale të dorëhiqet?
Në fakt, sikur të kishte mbetur pak moral politik tek figura e Arben Taravarit pas këtij grushti që i ndodhë në krahun e partisë së tij, ai duhet të tërhiqet krejtësisht nga politika derisa ato pak mbështetës të cilët i kanë mbetur të orientohen tek krahu i Ziadin Selës.