Kryeministri Edi Rama priti këtë të mërkurë kryetarin e Bashkisë së New York-ut, Eric Adams, një dashamirës i komunitetit shqiptar në Amerikë. Ky i fundit ka ardhur në Shqipëri që prej ditës së djelë për një vizitë 4 ditore. Për mediat, Rama u shpreh se kryebashkiaku Adams ka një rol kyç në nxitjen e përparimit të diskutimeve për vendosjen e linjave direkte të fluturimit mes Shqipërisë dhe New York. Sakaq kreu i qeverisë ka ndarë pamje nga vizita e kryebashkiakut në Kryeministri.
