Shkup, 22 janar – Në emisionin e mbrëmjes Win-Win, profesori universitar Aleksandar Spasov foli për interesat strategjike të Shteteve të Bashkuara, të cilat po orientohen drejt sfiduesve më të mëdhenj, kryesisht Kinës dhe rajonit të Paqësorit, por edhe drejt shteteve të tjera.
“Ndërkohë, interesat strategjike të Bashkimit Evropian janë ruajtja e integrimit dhe dhënia e një impulsi të ri procesit të integrimit. Këtë mund ta quajmë ‘divorc politik’ ose ‘përplasje politike’, por duhet të bëjmë dallim mes asaj që shfaqet në sipërfaqe – si reagon kush, çfarë karakteri ka – dhe proceseve reale që po zhvillohen”, deklaroi Spasov.
Sipas profesorit Spasov, ndryshimi i orientimeve strategjike kishte filluar që para Trumpit dhe që gjatë administratës së Obamës.
“Sigurisht, gjatë mandatit të dytë të Trumpit, në nivel publik e shohim shumë më qartë se kjo po ndodh, por nuk do të thosha se bëhet fjalë për ndonjë surprizë të madhe apo për diçka që nuk ishte paralajmëruar”, shtoi Spasov.
