256
Sektori për Punë të Brendshme Shkup edhe gjatë ditës së djeshme (07.03.2024) ka vazhduar me kontrolle në zonën e komunikacionit. Në territorin e qytetit të Shkupit janë shqiptuar gjithsej 117 gjoba, nga të cilat 10 për drejtim të automjetit pa patentë shofer, 8 gjoba për përdorim të celularit gjatë drejtimit të automjetit, dhjetë gjoba për mospërdorim të rripit të sigurimit, gjashtë sanksione për kalim në sinjal të mbyllur – drita e kuqe.
“Gjashtë sanksione u vendosën për kundërvajtje nga drejtuesit e motoçikletave, katër masa për shoferët fillestarë”.
“Kontrollet e trafikut do të vazhdojnë edhe në ditët në vijim. Apelojmë tek qytetarët që të respektojnë rregullat e komunikacionit në mënyrë që të rrisim sigurinë në komunikacion dhe së bashku të kontribuojmë për rrugë më të sigurta”, thonë nga MPB.