Aktori legjendar, Hector Elizondo, i njohur më së miri për rolet e tij në filmat “Pretty Woman” dhe “The Last Man Standing”, i është shmangur vëmendjes për vite me radhë dhe së fundmi është fotografuar duke shëtitur nëpër Los Angeles pas një kohe të gjatë.
Në fotot e publikuara nga The Daily Mail, Elizondo (88 vjeçar) u fotografua duke ecur me një bluzë të gjelbër me mëngë të gjata dhe një tuta gri.
Ai dukej pothuajse i panjohshëm me një kapele bejsbolli dhe një mjekër të bardhë.
Pavarësisht se qëndron kryesisht larg vëmendjes, Elizondo është një nga aktorët më të suksesshëm në industri.
Edhe pse disa mund ta njohin nga filma si “Nothing in Common” dhe “Frankie and Johnny”, Elizondo ka mbi 160 role aktrimi gjatë karrierës së tij.
Aktori i dashur mori gjithashtu njohje për rolin e tij në serialin “Ditarët e Princeshës”. Në filmat e njohur, Elizondo luan rolin e Joe-t, kreut të sigurisë për Mbretëreshën Genovia.
Një pjesë e tretë thuhet se është në zhvillim e sipër, dy dekada pas publikimit të filmit “Princess Diaries II”. Ndërsa nuk është e qartë nëse Elizondo do të kthehet, ai ka shprehur interes për ta riluajtur rolin e tij.
“Nuk është zyrtare, por padyshim të gjithë duan që të bëhet”, tha Elizondo më parë për Variety Latino në lidhje me mundësinë e realizimit të një filmi tjetër.