Kevin Costner, i njohur për rolin e tij në serialin “Yellowstone”, po përgatitet për një nga rolet më surprizuese të karrierës së tij, atë të ish-Presidentit të SHBA-së, Bill Clinton. Sipas raportimeve nga Deadline, aktori është në diskutime të avancuara për t’u përfshirë në serialin e ri “United”, i cili do të hedhë dritë mbi misionet humanitare të OKB-së.
Costner dhe Leonardo DiCaprio do të marrin pjesë gjithashtu si producentë ekzekutivë në këtë projekt, i zhvilluar në bashkëpunim me Kombet e Bashkuara. Skenari është shkruar nga David Raymond, i cili do të shërbejë edhe si regjisor, ndërsa seriali dramatizon histori të vërteta nga fushat ndërkombëtare.
Seriali do të përqendrohet në misionin e OKB-së në Timorin Lindor në vitin 1999, pas referendumit për pavarësi nga Indonezia, periudhë e cila u shoqërua me dhunë dhe ndërhyrje ndërkombëtare, përfshirë ndërhyrjen e ish-Presidentit Bill Clinton. Detaje të tjera rreth komplotit dhe shkallës së përfshirjes së Costner ende nuk janë zbuluar, por projekti po ngre pritshmëri të mëdha duke kombinuar dramë politike, ngjarje të vërteta dhe emra të njohur të industrisë.
Kevin Costner duket se ka rifituar buzëqeshjen, pas një periudhe të vështirë në jetën e tij personale. Sipas burimeve për Daily Mail, ylli i “Yellowstone”, 70 vjeç, është në një lidhje të re me Kelly Noonan Gores, 46 vjeçe, ish-bashkëshortja e miliarderit Alec Gores dhe regjisore e autore e njohur. Ndërkaq, ish-bashkëshortja e Kevin Costner, Christine Baumgartner, është fejuar me të dashurin e saj prej më shumë se një viti, Josh Connor. Ai më përpara ka qenë një mik i ngushtë me yllin e filmit “Yellowstone”. Baumgartner i tha “Po” propozimit të Connor në plazh në Santa Barbara, Kaliforni, më 26 janar, më pak se një vit pas finalizimit të divorcit të saj me Costner.
