Miliona drita LED ndriçojnë festivalin më të madh dimëror në Japoni

Mijëra vizitorë po dynden drejt Nabana no Sato, festivalit më të madh të dritave në Japoni, i cili zhvillohet rreth katër orë larg Tokios.

“Kopshti botanik” ndriçohet çdo dimër nga mbi 5.8 milionë drita LED, duke krijuar peizazhe magjike.

Atraksioni kryesor është një rikrijim 35 metra i lartë i malit Fuji, i realizuar pas tre muajsh punë nga 20 teknikë.

Pavarësisht temperaturave të ulëta, vizitorët mbushin çdo mbrëmje zonën për të përjetuar spektaklin e dritës.

Për japonezët, kjo festë dimërore është mbi të gjitha një celebrim i bukurisë dhe mrekullisë.