Ndryshimi i madh: Tesla më nuk është vetura më e shitur elektrike në Evropë

Një ndryshim interesant ka ndodhur në tregun evropian.

JATO Dynamics raporton se në korrik BMW ka kaluar Tesla-n për herë të parë në tregun evropian të veturave elektrike.

Marka gjermane dorëzoi 14,869 automjete të reja elektrike në Evropë muajin e kaluar, 308 më shumë se rivali i saj amerikan.

Automjeti elektrik më i shitur në Evropë muajin e kaluar ishte Model Y, i ndjekur nga Volvo EX30 dhe Volkswagen ID.4.

Ndryshe, krahasuar me të njëjtin muaj të vitit të kaluar, shitjet e Model Y dhe Model X janë ulur me 17 dhe 16 për qind.

Në total, modeli më i shitur në tregun evropian në korrik 2024 ishte Dacia Sandero me 22,398 njësi të shitura.