70.392 firma të reja me investime të huaja u krijuan në të gjithë Kinën vitin e kaluar, duke shënuar një rritje prej 19.1% në baza vjetore, bëri të ditur Ministria e Tregtisë, shkruan “Xinhua”.
Në vitin 2025, përdorimi aktual i investimeve të huaja direkte (IHD) në Kinën kontinentale arriti në 747.69 miliardë juanë (106.92 miliardë dollarë amerikanë), një rënie prej 9.5% në baza vjetore.
Sa iu përket sektorëve, hyrjet e investimeve të huaja direkte arritën në 185.51 miliardë juanë në sektorin e prodhimit dhe 545.12 miliardë juanë në sektorin e shërbimeve.
Sektori i teknologjisë së lartë tërhoqi 241.77 miliardë juanë. Flukset e investimeve të huaja direkte u rritën me 75 për qind në baza vjetore në sektorin e shërbimeve të tregtisë elektronike, 42.1 për qind në sektorin e prodhimit të pajisjeve mjekësore dhe 22.9 për qind në sektorin e prodhimit të automjeteve dhe pajisjeve hapësinore.
Sa iu përket vendeve burimore, investimet e huaja direkte nga Zvicra u rritën me 66.8 për qind në baza vjetore, investimet e huaja direkte nga Emiratet e Bashkuara Arabe u rritën me 27.3 për qind dhe ato nga Mbretëria e Bashkuar u rritën me 15.9 për qind.
