Organizata Ndërkombëtare Detare bëri thirrje të enjten për krijimin e një “korridori” të sigurt për transportin detar në Gjiri Persik, me qëllim evakuimin e anijeve dhe detarëve të bllokuar, pas një takimi emergjent ku u dënua gjithashtu Irani.
Pas dy ditësh bisedimesh urgjente në Londër, të zhvilluara për shkak të përshkallëzimit të konfliktit në Lindjen e Mesme, IMO theksoi se krijimi i një “korridori të sigurt detar” duhet të shihet si një masë e përkohshme dhe urgjente.
Sekretari i Përgjithshëm i IMO-s, Arsenio Dominguez, deklaroi se “korridori humanitar” synon të evakuojë anijet në Gjirin Persik përmes Ngushtica e Hormuzit.
Agjencia e OKB-së, përgjegjëse për rregullimin e sigurisë ndërkombëtare të transportit detar, theksoi se prioritet mbetet ndihma për ata që ndodhen të bllokuar në rajon, duke theksuar se evakuimi duhet të bëhet me mjete paqësore dhe mbi baza vullnetare.
