Në prill 2017 Kina njoftoi një plan për të krijuar Zonën e Re “Xiong’an”, e cila përfshin kontetë Rongcheng, Anxin e Xiongxian, si edhe disa zona përreth në provincën Hebei të Kinës Veriore.
Zona synon ta çlirojë Pekinin nga funksionet jothelbësore si kryeqytet i vendit, duke çuar përpara zhvillimin e koordinuar të rajonit Pekin-Tianjin-Hebei.
Kina synon gjithashtu ta kthejë “Xiong’an”-in në një “qytet të së ardhmes” që spikat për inovacionin, zhvillimin e gjelbër, funksionimin inteligjent e të klasit botëror, me kushte të mira mjedisore, në përputhje me rrugën e zhvillimit me cilësi të lartë të vendit.
Sipas planit, Zona e Re “Xiong’an” dhe Qendra Administrative Bashkiake e Pekinit — të përcaktuara si “dy krahët” e kryeqytetit të vendit — do të ndjekin një zhvillim të koordinuar, por të diferencuar, dhe do të rrisin kapacitetin e tyre për të mbështetur dhe për t’u shërbyer funksioneve kryesore të kryeqytetit
