Shkupp, 9 qershor, Zhurnal.mk – VLEN ka publikuar dokumentin për të cilin thotë se dëshmon se zyrtarizimi i gjuhës serbe në Kumanovë është bërë më 4 maj 2010, në kohën kur BDI ishte pjesë e pushtetit, transmeton Zhurnal.
Në konferencë për media, drejtori i Agjencisë për Zbatimin e Gjuhëve, Granit Osmani, deklaroi se vendimi është miratuar nga Këshilli i Komunës së Kumanovës, duke mundësuar përdorimin zyrtar të gjuhës serbe, ndonëse serbët përbëjnë rreth 6.5 për qind të popullsisë së komunës.
VLEN akuzoi BDI-në për hipokrizi politike, duke theksuar se partia që sot kritikon çështje gjuhësore, në të kaluarën ka mbështetur zyrtarizimin e serbishtes në Kumanovë. Sipas VLEN-it, dokumenti i publikuar e konfirmon këtë vendim. /Zhurnal
Kjo faqe interneti përdor cookies për të përmirësuar përvojën tuaj. Ne do të supozojmë se jeni dakord me këtë, por mund të çregjistroheni nëse dëshironi.PranojLexo më tepër
