Rihanna tërhoqi sërish vëmendjen në Javën e Modës në Paris, por këtë herë nuk kishte të bënte vetëm me rrobat.
Ajo mbërriti në sfilatën e Dior e veshur me bizhuteri diamanti që vlerësohen të kenë një vlerë prej rreth 1 milion dollarësh (rreth 882,000 euro) – dhe i mbajti ato rreth kyçit të këmbës.
Këngëtarja u shfaq në sfilatën e modës e veshur tërësisht me të zeza, të cilën e kompletoi me një sërë diamantesh mbresëlënëse.
Megjithatë, detajin më të shtrenjtë ajo e mbajti jo rreth qafës dhe as në krah, por në kyçin e këmbës së majtë.
Rihanna mbante një byzylyk të mrekullueshëm me diamante rreth kyçit të këmbës me pesë detaje të varura, secila prej të cilave përfundonte me një diamant të madh në formë dardhe.
Ajay Anand, themelues dhe drejtor ekzekutiv i Rare Carat, i tha Page Six se vepra mund të ketë një vlerë prej rreth 1 milion dollarësh (rreth 882,000 eurosh).
Ai dhe ekspertja e bizhuterive Olivia Landau vlerësuan se byzylyku ka rreth 40 karat diamante në total, me diamante të mëdhenj individualë që peshojnë midis dy dhe shtatë karatëve.
