Brad Pitt tërhoqi vëmendjen me zgjedhjen e tij të modës kur u shfaq dje në Paris me pantallona ngjyrë rozë në një takim me të dashurën Ines de Ramon.
Aktori hollivudian tërhoqi vëmendjen me pantallonat, të cilat i kombinoi me një xhaketë jeshile, pasi mori pjesë në një koncert të James Blake.
Brad e kompletoi pamjen me një këmishë të bardhë, këpucë të zeza dhe syze me kornizë ari.Ines, si zakonisht, dukej glamuroze me një xhaketë ngjyrë krem, të cilën e kombinoi me një bluzë të bardhë dhe pantallona të zeza lëkure.
Stilistja 33-vjeçare e kompletoi pamjen me syze dielli dhe buzëqeshi ndërsa ecte dorë për dore me partnerin e saj.
Çifti, të cilët janë në një lidhje për gati katër vjet, dukeshin në humor jashtëzakonisht të mirë pas koncertit.Brad dhe Ines janë bashkë që nga fundi i vitit 2022.
Ata u shfaqën publikisht së bashku për herë të parë në një koncert në Los Angeles në nëntor 2022, dhe një burim i tha më pas revistës People se ata kishin qenë duke u takuar fshehurazi me njëri-tjetrin për disa muaj.
Ines u zhvendos në shtëpinë e Pitt në fillim të vitit 2024 dhe së bashku u shfaqën në evente të tilla si Festivali i Filmit në Venecia në shtator 2024, Çmimi i Madh Britanik në korrik 2024 dhe finalet e tenisit të US Open më 12 dhe 13 shtator të këtij viti.
