Mucunski takon ministrin francez për Evropën, diskutojnë për reformat dhe anëtarësimin e Maqedonisë në BE

Shkup, 22 tetor, Zhurnal.mk – Ministri i Punëve të Jashtme, Timço Mucunski, u takua me ministrin francez për Evropën, Benjamin Hadad, gjatë Samitit të Procesit të Berlinit në Mal të Zi. Mucunski rikonfirmoi përkushtimin e qeverisë për reformat dhe kërkoi përshpejtimin e procesit të anëtarësimit në Bashkimin Evropian, duke e cilësuar vendin si partner konstruktiv në rajon. Pavarësisht kërkesave për integrim më të shpejtë, rruga euroatlantike e Maqedonisë së Veriut mbetet e bllokuar pa miratimin e ndryshimeve kushtetuese për përfshirjen e bullgarëve në Kushtetutë — një kusht kyç i rrjedhur nga propozimi francez për hapjen e negociatave me BE-në.