Vrapçisht, 28 mars, Zhurnal.mk – Partia Demokratike Shqiptare (PDSH) ka mbajtur Kuvendin Zgjedhor të Degës në Vrapçisht, në kuadër të angazhimeve për riorganizimin e strukturave të saj organizative.
Në këtë kuvend, me votë unanime, për kryetar të Degës është zgjedhur Afrim Bilalli. Po ashtu, është konstituar edhe kryesia e re, e cila do të angazhohet në realizimin e objektivave politike dhe në konsolidimin e mëtejshëm të degës në këtë komunë.
Të pranishmëve iu drejtua edhe kryetari i Partia Demokratike Shqiptare, Menduh Thaçi, i cili theksoi rëndësinë e organizimit të qëndrueshëm dhe angazhimit aktiv të strukturave partiake për aktivitetet e ardhshme.
Nga PDSH vlerësojnë se ky kuvend përfaqëson një hap të rëndësishëm në forcimin e pranisë dhe strukturës së partisë në Vrapçisht, duke synuar rritjen e mobilizimit dhe efikasitetit politik në terren.
