Shkup, 21 korrik, Zhurnal.mk – Sipas të dhënave nga institucionet publike shëndetësore në Gostivar, gjatë ditës së djeshme (20.07.2026) vazhdon trendi i uljes së numrit të pacientëve të rinj që kanë kërkuar ndihmë mjekësore për herë të parë për shkak të simptomave të gastroenteritit, njofton Ministria e Shëndetësisë.
Në Spitalin e Përgjithshëm të Gostivarit janë regjistruar:
111 vizita të reja në repartin infektiv,
65 vizita të reja në repartin pediatrik,
7 vizita në Qendrën e Urgjencës,
që së bashku përbëjnë 183 vizita.
Në Shtëpinë e Shëndetit Gostivar janë evidentuar 110 vizita, si dhe 25 thirrje drejt Ndihmës së Shpejtë.
Ministri i shëndetësisë, Sasho Klekovski, theksoi:
“Gjatë ditës së djeshme, numri i përgjithshëm i pacientëve të vizituar në spital është ulur për 38%. Krahasuar me 19.07.2026, kur në Spitalin e Gostivarit u regjistruan 289 vizita, dje u evidentuan 183 vizita. Njëkohësisht, numri i vizitave në Shtëpinë e Shëndetit vazhdon të bjerë në mënyrë të qëndrueshme — nga 315 pacientë më 18 korrik, në 275 më 19 korrik dhe 110 më 20 korrik.”
Epidemia në Gostivar u shpall të shtunën, më 19 korrik, pasi mbi 1.200 banorë raportuan simptoma dhe kërkuan ndihmë për probleme gastrointestinale.
