Shkup, 29 shtator, Zhurnal.mk – Drejtori i TIRZ, Goce Dimovski sot e vizitoi kompaninë “Lear” në TIRZ Tetovë. Gjatë vizitës, përveç takimit me menaxhmentin, u realizua edhe një shëtitje nëpër repartin prodhues.
Në kuadër të takimit u bisedua për aktivitetet aktuale të kompanisë, planet e ardhshme dhe mundësitë për zhvillim të mëtejmë. U vendos theks i veçantë mbi komunikimin e hapur dhe bashkëpunimin me Drejtorinë për TIRZ, me qëllim të vëzhgimit me kohë të nevojave të kompanisë dhe sigurimit të mbështetjes përkatëse në kuadër të kompetencave të Drejtorisë.
Dimovski theksoi se komunikimi i drejtpërdrejtë me kompanitë është i rëndësishëm për kuptim më të mirë të nevojave, por edhe për gjetje me kohë të zgjidhjeve për sfidat me të cilat ato përballen. Ai vuri në dukje se Drejtoria për TIRZ mbetet e përkushtuar ndaj komunikimit të hapur dhe të rregullt me kompanitë, si dhe ndaj krijimit të kushteve në të cilat ato do të mund të punojnë pa pengesa dhe t’i realizojnë planet e tyre zhvillimore.
Nga ana e menaxhmentit të kompanisë, u prezantuan aktivitetet aktuale, si dhe planet për të ardhmen, ndërsa u bisedua edhe për avancim shtesë të proceseve të punës. U shpreh falënderim për mbështetjen e vazhdueshme dhe dialogun konstruktiv me Drejtorinë për TIRZ, duke theksuar rëndësinë e bashkëpunimit të ndërsjellë për rritje ekonomike të qëndrueshme.
“Kjo vizitë është pjesë e aktiviteteve të rregullta të Drejtorisë për TIRZ për mbajtjen e kontaktit të drejtpërdrejtë me investitorët në zonat teknologjike industriale zhvillimore në mbarë vendin, me qëllim të sigurimit të një klime të qëndrueshme afariste dhe të nxitjes së investimeve të reja.”
