Shkup, 22 mars – Edhe përkundër faktit se Ligji për legalizimin e objekteve të egra është miratuar në vitin 2011 dhe madje tri here është zgjatur afati, në komunën e Kumanovës, gjatë kësaj periudhe ende shumë objekte kanë mbetur pa u legalizuar.
Në të vërtetë deri më tani janë shtruar gjithësej 26.256 kërkesa për legalizimin e objekteve të ndërtuara pa leje, nga të cilat 5.836 ende nuk janë zgjidhur, ka njoftuar kryetari i komunës së Kumanovës Maksim Dimitrievski, pasiqë sipas tij shkaktar kryesorë është dokumentacioni i pa kompletuar.
“Ligji për legalizim është miratuar në vitin 2011, dhe afatet për përfundiminin e asaj procedure janë zgjatur 3 herë në të kaluarë. Saktësisht 26.256 kërkesa janë paraqitur në komunën e Kumanovës nga të cilat 5.836 ende nuk janë zgjidhur për shkak mos kompletimit të duhur të dokumentacionit”, shtoi Dimitrievski.
Ai gjithashtu ka sqaruar se ndryshimet e fundit në Ligjin për legalizimin e objekteve të ndërtuara pa leje nuk lejojnë paraqitjen e kërkesave të reja, por synojnë përfundimin e procedurave që tashmë janë inicuar.
“Do të vazhdojmë në përputhje me ndryshimin e fundit të ligjit, i cili nuk ka të bëjë me paraqitjen e kërkesave të reja për legalizim por kryesisht i referohet përfundimit të të gjitha këtyre procedurave të cilat tashmë janë inicuar”, theksoi mes tjerash Dimitrievski.
I pari i Kumanovës theksoi se nuk është vetëm komuna e Kumanovës ajo që përballet me këtë problematikë, ngase situatë të ngjajshme janë evidentuara edhe në komunat tjera të RMV.
