Gjykata e Bosnjës anulon projekt-Kushtetutën e rajonit serb që parasheh formimin e ushtrisë e bashkimin me Serbinë

Sarajevë, 27 Mars, Zhurnal.mk– Një projekt-Kushtetutë e rajonit serb në Bosnjë dhe Hercegovinë (BiH) e votuar në lexim të parë në mars të vitit të kaluar e cila parashikon krijimin e ushtrisë së rajonit të ndarë nga ajo e BeH-së, dhe që gjithashtu nënkupton bashkimin me një bashkim shtetëror, federatë ose konfederatë, me Serbinë ose “grupe shtetesh”, u shpall jokushtetuese sot nga Gjykata Kushtetuese e vendit, njofton dtt-net.com, transmeton Zhurnal.mk.

Vendimi i sotëm erdhi pas një ankese të paraqitur në gjykatë nga disa ligjvënës boshnjakë.

“…Vendimi për miratimin e Projektkushtetutës së Republikës Srpska nuk është në përputhje me nenet I/2, III/3.b) dhe VI/5. të Kushtetutës së Bosnjës dhe Hercegovinës, sepse dispozitat që përbëjnë bazën e rendit kushtetues të Republikës Srpska nuk janë të harmonizuara me dispozitat e Kushtetutës së Bosnjës dhe Hercegovinës dhe vendimet përfundimtare dhe detyruese të Gjykatës Kushtetuese. Në përputhje me nenin 61, paragrafi (3) i Rregullores së Gjykatës Kushtetuese të Bosnjës dhe Hercegovinës, Vendimi i shfuqizuar për Themelimin e Projektkushtetutës së Republikës Srpska do të pushojë së qeni i vlefshëm ditën pas publikimit të vendimit të Gjykatës Kushtetuese në “Gazetën Zyrtare të Bosnjës dhe Hercegovinës”, tha sot gjykata e lartë.

Gjykata Kushtetues e BeH gjithashtu e urdhëroi kuvendin e rajonit serb të ndalojë procedurat për votimin e dytë të tekstit.

“Gjithashtu, në përputhje me nenin 61, paragrafi (1) i Rregullores së Gjykatës Kushtetuese të Bosnjës dhe Hercegovinës, Gjykata Kushtetuese urdhëroi Asamblenë Kombëtare të Republikës Srpska, të gjitha autoritetet kompetente në Republikën Srpska, si dhe të gjithë personat zyrtarë ose përgjegjës në këto institucione që të ndërpresin të gjitha aktivitetet e ndërmarra në bazë të Vendimit për Krijimin e Projekt-Kushtetutës së Republikës Srpska”, shtoi ajo, shkruan Zhurnal.mk.

Me 13 mars 2025, kur draft-Kushtetuta e rajonit Serb u miratua në leximin e parë, udhëheqësit e partive serbe, të udhëhequra nga politikani pro-Rusi dhe pro-Serbi Milorad Dodik, gjithashtu u zotuan ta nxirrnin tekstin në një referendum për të marrë mbështetje nga qytetarët e rajonit.

Teksti përcakton qartë qëllimin e rajonit për t’u larguar nga BeH

“1) Republika Srpska ka të drejtën e vetëvendosjes. (2) Republika Srpska mund të krijojë marrëdhënie të veçanta paralele, të bashkohet në bashkësi komplekse shtetërore të një strukture federale ose konfederale me shtete fqinje dhe shtete të tjera ose grupe shtetesh”, thuhet në nenin 9 të tekstit të miratuar në leximin e parë.

Pastaj vazhdon me planet për të formuar ushtrinë e rajonit

“(1) Republika Srpska do të ketë ushtrinë e vet. (2) Një ligj i veçantë do të miratohet për Ushtrinë e Republikës Srpska”, thuhet në nenin 116 të draftit.

Dodik, i cili është hapur pro-rus dhe ka mbështetjen e kryetariëve rus Vladimir Putin dhe Aleksandar Vuçiç të Serbisë, në atë kohë kishte thënë se nëse nuk arrihet një marrëveshje e re me rajonin boshnjako-kroat mbi të ardhmen e BiH-së, atëherë rajoni Serb do të shpallte pavarësinë brenda një viti.

Dodik sot u tha mediave të afërta me të se atij “nuk i intereson” se çfarë bënë e thotë Gjykata Kushtetuese e BeH-së, sepse ai vazhdon që të mos e njohë këtë gjykatë.

“Mund të të bëjnë çfarëdo të duan, por jo edhe sa gjatë duan…,” reagoi Dodik pas vendimit të gjykatës.