Prishtinë, 02 korrik, Zhurnal.mk – Ish-kryetari i Aleancës për Ardhmërinë e Kosovës, Ramush Haradinaj, përmes një statusi në rrjetin social, Facebook, njoftoi se ka zhvilluar një bisedë telefonike me kryetarin Kuvendit të Kosovës në legjislaturën e vitit 1990, të cilit i ka shprehur mirënjohje për shpalljen e Deklaratës Kushtetuese të 2 Korrikut 1990.
Haradinaj ka falënderuar Ramajlin për guximin dhe vizionin e tij.
Potimi i plotë:
Zhvillova një bisedë telefonike me Ilaz Ramajlin, të cilit i shpreha mirënjohjen time të thellë për aktin historik të shpalljes së Deklaratës Kushtetuese të 2 Korrikut 1990.
Kryetarin Ramajli e falënderova për guximin dhe vizionin, duke i kërkuar që përmes tij t’ua përcjellë mirënjohjen dhe urimet e mia të gjithë delegatëve të cilët legjitimuan vullnetin e popullit të Kosovës për liri dhe pavarësi, një ideal që u jetësua disa vite më pas nga trimat e Ushtrisë Çlirimtare të Kosovës.
Mirënjohje të gjithë brezave nga të gjitha trojet që guxuan për Kosovën.
