Gostivar, 1 janar – Një incident i rëndë është regjistruar në orët e vona të natës së ndërrimit të motmoteve në qytetin e Gostivarit. Sipas informacioneve fillestare, një 18-vjeçar dyshohet se ka shtënë me armë zjarri brenda shisha barit, pas një zënke fizike që kishte ndodhur më herët në ambientet e lokalit.
Burime jozyrtare bëjnë të ditur se fillimisht ka pasur një konflikt mes disa personave, i cili më pas ka eskaluar, duke përfunduar me përdorimin e armës së zjarrit.
Menjëherë pas ngjarjes, në vendin e incidentit kanë intervenuar njësitë e policisë, të cilat kanë siguruar zonën dhe kanë nisur hetimet për zbardhjen e plotë të rastit. Dyshohet se personi i përfshirë është identifikuar dhe po ndërmerren veprime për zbardhjen e rrethanave dhe motivit të incidentit.
