Shkup, 06 maj, Zhurnal.mk – Njëri nga liderët e VLEN, Izet Mexhiti, i ka bërë thirrje kryetarit të Bashkimi Demokratik për Integrim, Ali Ahmeti, për një debat të hapur publik.
Në një intervistë për MTV2, Mexhiti theksoi se një përballje e drejtpërdrejtë do të ishte në interes të qytetarëve dhe do të ndihmonte në qartësimin e dallimeve mes dy koncepteve politike, përcjell Zhurnal.mk.
“Ftoi Ahmetin në debat të hapur për të bërë siç tha, krashasimin me “VMRO-në tonë dhe VMRO-në e tyre”., që qytetarët të shohin dhe të krahasojnë qasjet dhe ofertat politike”, deklaroi Izet Mexhiti.
Ai vlerësoi se debati publik është i domosdoshëm për rritjen e transparencës dhe për informimin më të mirë të opinionit mbi programet dhe vizionet e subjekteve politike.
