Shkup, 20 shkurt – Sot, në shënim të International Mother Language Day, në Tetovë u organizua një aktivitet solemn kushtuar rëndësisë së gjuhës amtare si themel i identitetit dhe kulturës kombëtare. Në qendër të diskutimit ishte roli i gjuhës shqipe në ruajtjen e trashëgimisë kulturore, si dhe rëndësia e pasurimit dhe standardizimit të saj përmes hartimit të fjalorit të ri.
Në këtë aktivitet mori pjesë kryetari i Tetovë dhe njëherësh kryetar i Lëvizja Besa, i cili theksoi përkushtimin institucional për mbështetjen e vazhdueshme të nismave që kanë në fokus gjuhën amtare. Ai vlerësoi kontributin e studiuesve dhe ekspertëve në hartimin e fjalorit të ri, duke e cilësuar atë si dëshmi se gjuha shqipe jeton, zhvillohet dhe përshtatet me kohën.
“U diskutua për rëndësinë e fjalorit të ri dhe kontributin e tij në pasurimin, standardizimin dhe dokumentimin e gjuhës shqipe. Dëshmi se gjuha jonë jeton, zhvillohet dhe rritet me kohën. Si kryetar i Komunës së Tetovës, riafirmova përkushtimin tonë për mbështetjen e aktiviteteve që lidhen me ruajtjen dhe zhvillimin e gjuhës amtare, si dhe për zbatimin e standardeve gjuhësore në administratën lokale, arsim dhe në të gjithë sektorin publik”, deklaroi Kasami.
Ai riafirmoi se Komuna e Tetovës do të vazhdojë të zbatojë standardet gjuhësore në administratën lokale, në institucionet arsimore dhe në të gjithë sektorin publik, duke mbështetur çdo iniciativë që kontribuon në forcimin dhe avancimin e gjuhës shqipe.
Në ngjarje morrën pjesë edhe pjestarë të tjerë të VLEN, si zëvendëskryeministri, Bekim Sali, zv kryeministri Arben Fetai dhe të tjerë.
