Tiranë, 15 prill Zhurnal.mk – Komisioneri Shtetëror i Zgjedhjeve, Ilirjan Celibashi, drejtori i Shkollës së Magjistraturës, Arben Rakipi, si përfaqësues të Ministrisë së Drejtësisë, zhvilluan sot një takim të përbashkët pune, ku u diskutua mbi përmbajtjen e draftit të Kodit të ri Penal.
Sipas Celbashit, fokusi i i takimit ishin veprat penale në fushën e zgjedhjeve.
“Diskutimet u përqendruan në: Rishikimin e dispozitave ekzistuese që lidhen me krimet zgjedhore; Propozimet për masa më efektive kundër manipulimit të procesit zgjedhor; Harmonizimin e Kodit Penal me standardet ndërkombëtare dhe praktikat më të mira”, theksoi Celibashi.
Sipas tij ky proces konsultimi synon që përmes bashkëpunimin institucional dhe mësimeve të nxjerra nga proceset zgjedhore, përmirësimi i dispozitave ekzistuese apo përfshirja e dispozitave të reja në Kodin Penal, të sigurojë kuadër ligjor të qartë, të drejtë dhe të zbatueshëm.
“Procesi i konsultimit do të ndikojë në forcimin e integritetit e zgjedhjeve dhe garantimin e mbrojtjes së të drejtave demokratike të qytetarëve”, nënvizoi Celibashi.
