Komisioni Qendror i Zgjedhjeve ka mbajtur sot mbledhje ku ka marrë vendim për rekomandimin e 18 kandidatëve të radhës për deputetë të Kuvendit të Republikës së Kosovës.
Siç bëhet e ditur në njoftimin e KQZ-së, ky vendim vjen pas kërkesës së presidentes Vjosa Osmani, të dorëzuar më 12 shkurt 2026, për zëvendësimin e deputetëve që kanë dhënë dorëheqje nga mandati i tyre, njofton Dukagjini.
Në njoftimin thuhet se KQZ-ja duke vepruar në përputhje me nenin 112, paragrafi 4 të Ligjit për Zgjedhjet e Përgjithshme, ka rekomanduar kandidatët e certifikuar nga zgjedhjet e parakohshme të 28 dhjetorit 2025.
Nga Lëvizja Vtetëvendosje, janë rekomanduar 15 kandidatë të radhës, të cilët zëvendësojnë deputetët e dorëhequr, përfshirë Albin Kurtin, Glauk Konjufcën, Hekuran Muratin, Donika Gërvallën, Xhelal Sveçlën, Hajnulla Çekon, Mimoza Kusari-Lilën, Ejup Maqedoncin, Andin Hotin, Arben Vitinë, Saranda Bogujevcin, Armend Mujën, Fitore Pacollin, Artane Rizvanollin dhe Dimal Bashën.
Po ashtu, janë rekomanduar edhe kandidatët e radhës nga Iniciativa e Re Demokratike e Kosovës, subjekti “Za Slobodu Pravdu i Opstanak” dhe Koalicioni VAKAT, pas dorëheqjeve përkatëse.
Më poshtë e gjeni listën e plotë të kandidatëve të dorëhequr dhe kandidatëve të radhës teksa tashmë mbetet procedimi i mandateve të tyre sipas procedurave ligjore në fuqi.
