Tiranë, 12 Mars, Zhurnal.mk – Ashtu edhe siç pritej, Kuvendi i Shqipërisë – i dominuar nga Partia Socialiste (PS) e Kryeministrit Edi Rama – votoi kundër kërkesës së prokurosisë së Posaçme Kundër Korrupsionit dhe Krimit të Organizuar (SPAK) për t’ia hequr imunitetin e arrestuar ish-Kryeministren dhe ish-Ministren e Infrastrukturës dhe Energjetikës, Belinda Balluku.
Nga 128 deputetë prezent në seancë, nga 140 sa ka kuvendi, 82 votuan Kundër kërkesës së SPAK-ut, e 47 Për, e 7 nuk votuan.
Heqja e imunitetit do të hapte rrugë për arrestimin e saj për aktakuzën e keqpërdorimit të pozitës së saj në dy tenderë në sektorin e ndërtimit dhe për hetimet në zhvillim e sipër edhe për disa tenderë të tjerë në të njëjtin sektor.
Pas presioneve disa muajshe të opozitës, Rama e largoi nga qeveria Ballukun, por megjithatë ai the partia e tij po e mbrojnë atë nga prokuroria duke mos ia hequr imunitetin parlamentar.
Gjatë tërë kohës së seancës së sotme të parlamentit, e thirrur veçmas për çështjen e Ballukut, një protestë është organizuar nga Partia Demokratike (PD) e Sali Berishës.
Seanca e kuvendit ndërpre pas protestës së deputetëve të PD-së të cilët e bllokuan foltoren në shprehje paknaqësie ndaj votës së PS-së, ndërkohë që protesta jashtë ndërtesës së kuvendit e përkrahësve të partitë opozitare po vazhdon.
