Shkup/Bruksel, 18 Mars, Zhurnak.mk – Kryetari i VMRO-DPMNE dhe Kryemnistër, Hristijan Micskoski, ka udhëtuar për në Bruksel për të marrë pjesë në kongresin e Partisë Popullore Evropiane (ang. EPP), i cili mbahet në prag të Këshillit Evropian të krerëve të 27 vendeve anëtare të Bashkimit Evropian, shkruan Zhurnal.mk.
Në kongresin e EPP do të jenë edhe Kryetarja e Komisionit Evropian, Ursula Von Der Leyen, e cila vjen nga partia gjermane CDU, e cila po ashtu është anëtare e grupimit më të madh politik në Evropë, por edhe të tjerë nga rajoni i Ballkanit Perëndimor.
Kryetarja e Parlamentit Evropian, Roberta Metzola, poashtu do të jetë aty. Metzola vjen nga Partia Nacionaliste (PM) nga Malta.
“Kryeministri dhe Presidenti i VMRO-DPMNE-së, Prof. Dr. Hristijan Mickoski, me një delegacion partiak të përbërë nga Sekretari i Përgjithshëm i VMRO-DPMNE-së, Dragan Kovaçki, dhe anëtari i Komitetit Ekzekutiv Stefan Andonovski, do të marrë pjesë në Kongresin e Partisë Popullore Evropiane në Bruksel nga sot dhe për dy ditët e ardhshme, në të cilin janë ftuar edhe Presidentja e Komisionit Evropian, Ursula Von Der Leyen, si dhe Presidentja e Parlamentit Evropian, Roberta Metzola,” thuhet në komunikatën e VMRO-DPMNE.
U bënë 50 vite nga themelimi i kësaj familjeje politike.
Sipas komunikatës së VMRO-DPMNE prania e Mickoski dhe delegacionit të VMRO-DPMNE-së në këtë takim të nivelit të lartë “është një konfirmim i angazhimit të fortë të Republikës së Maqedonisë ndaj integrimit evropian, si dhe për përfshirje aktive në proceset që përcaktojnë të ardhmen e Evropës.”
Nga rajoni i Ballkanit Perëndimor në kongresin e EPP marrin pjesë edhe Kryetari i Partisë Demokratike (PD) Sali Berisha, Kryeministrja e Bosnjë e Herzegovinës (BeH) Borjana Kristo (nga partia kroate HDZ-BeH), si dhe Zëvendës-Kryeministri boshnjak i Malit të Zi Ervin Ibrahimovic.
