Partitë e Ramës dhe Berishës po e humbin përkrahjen e qytetarëve, thotë anketa

Tiranë, 10 Mars 2026, Zhurnal.mk – Partia Socialiste (PS) në pushtet në Shqipëri e Kryeministrit Edi Rama dhe kundërshtari i saj kryesor po humbasin mbështetjen e qytetarëve, sipas një ankete të re të opinionit publik.
Anketa e ABC Tv i 9 Marsit thotë PS këtë javë mbështetet nga 45,7% e qytetarëve që është një rënie prej 2% krahasuar me një javë më parë dhe 6,5% krahasuar me rezultatet e zgjedhjeve parlamentare të majit 2025.
Anketa sipas ABC është bërë me qytetarë që morën pjesë në zgjedhjet e 11 majit 2025.
Partia Demokratike (PD) e Sali Berishës, ka rënë në 24,1% krahasuar me 25,0% të një jave më parë dhe nga 34,3% e zgjedhjeve të majit të vitit të kaluar.
Interesante e anketës është se numri i qytetarëve që do të votonin për një parti të re,, nëse do të formohej, u rrit në 25,5%, nga 22,3% e javës së kaluar, ose nga 22,5% e fundit të nëntorit të vitit të kaluar.
Të gjitha partitë e vogla së bashku kanë një mbështetje prej 4,7%, sipas anketës së djeshme të ABC TV.