Protesta e tretë kundër projektit në Zvërnec, qytetarët: Rama, anulo projektin

Tiranë, 2 qershor Zhurnal.mk – Ka nisur këtë të martë protesta e tretë radhazi në Tiranë, kundër ndërtimit në zonën e mbrojtur të Zvërnecit. Tubimi është thirrur përpara Kryeministrisë, pas një serie protestash që kanë nisur ditët e fundit në Kryeqytet. Protestuesit kërkojnë anulimin e projektit të ndërtimit në zonën e Zvërnecit, duke e cilësuar atë si ndërhyrje në një zonë të mbrojtur dhe duke akuzuar qeverinë për favorizim të interesave private në dëm të pronës publike. Nga ana tjetër, ata pretendojnë se investitorë të ndryshëm po përfitojnë nga toka shtetërore në mënyrë të padrejtë.