Prishtinë, 4 shtator, Zhurnal.mk – Qendra Klinike Universitare e Kosovës (QKUK) dhe Forca e Sigurisë së Kosovës (FSK) kanë njoftuar për një takim për të cilin thanë se u zhvillua me qëllim të avancimit të bashkëpunimit në fushën e shërbimeve shëndetësore.
Drejtori i QKUK-së, Mentor Zejnullahu, së bashku me koordinatorin dr. Nazmi Kolgeci, vizituan FSK-në në Kazermën “Adem Jashari”, ku u pritën nga gjeneral Enver Cikaqi dhe përfaqësues të Regjimentit të Mjekësisë.
Gjatë vizitës u diskutua për organizimin e shërbimeve mjekësore dhe realizimin e vizitave sistematike shëndetësore për kadetët dhe pjesëtarët e FSK-së.
Sipas QKUK-së, bashkëpunimi ndërinstitucional synon përmirësimin dhe avancimin e mëtejshëm të shërbimeve shëndetësore.
Kjo faqe interneti përdor cookies për të përmirësuar përvojën tuaj. Ne do të supozojmë se jeni dakord me këtë, por mund të çregjistroheni nëse dëshironi.PranojLexo më tepër
