Budva, 21 tetor Zhurnal.mk – Në 24 orët e ardhshme, përkatësisht nga ora 08:00 e sotme, e mërkurë, 21 tetor, deri në orën 08:00 të së enjtes, 22 tetor, nën ndikimin e një cikloni të fuqishëm nga Gjenova, Mali i Zi, veriu i Shqipërisë, jugperëndimi i Bosnjës dhe Hercegovinës, si dhe bregdeti i Adriatikut do të përballen me reshje të dendura shiu, të shoqëruara me bubullima të forta.
Sipas meteorologut Sllavço Poposki, pritet të fryjë erë e fuqishme nga jugu, me shpejtësi mbi 80 kilometra në orë. Gjithashtu, ekziston mundësia për paraqitjen e breshrit, madje edhe për krijimin e kushteve për zhvillimin dhe formimin e tornadove në Adriatik.
Gjatë kësaj periudhe, në bregdetin e Adriatikut pritet të bien nga 40 deri në 70 litra shi për metër katror. Reshje shumë më të dendura parashikohen në jugperëndim të Bosnjës dhe Hercegovinës, në Mal të Zi dhe në veri të Shqipërisë, ku pritet të bien nga 100 deri në 150 litra shi për metër katror, ndërsa lokalisht sasia mund të tejkalojë edhe 150 litra për metër katror.
Për shkak të këtyre kushteve atmosferike, ekziston rreziku i përmbytjeve të shpejta lokale.
Meteorologu u bën thirrje qytetarëve të jenë të përgatitur dhe jashtëzakonisht të kujdesshëm për shkak të motit të keq që pritet dhe reshjeve shumë të dendura të shiut.
