Kiev, 8 korrik, Zhurnal.mk – Rusia ka ndërmarrë një tjetër sulm me raketa balistike ndaj Kievit gjatë natës, ndërsa disa shpërthime të fuqishme tronditën kryeqytetin ukrainas pak pas mesnatës.
Sipas autoriteteve lokale, në disa zona të qytetit shpërthyen zjarre pas goditjeve.
Kryebashkiaku i Kievit, Vitali Klitschko, njoftoi se flakët përfshinë dy lagje të kryeqytetit, ndërsa era e tymit u ndje edhe në qendër të qytetit. Alarmi ajror u aktivizua vetëm pasi ndodhën shpërthimet e para.
Shërbimet e emergjencës raportuan se të paktën dy persona mbetën të plagosur nga sulmi.
Edhe qyteti lindor i Kharkiv u godit gjatë natës.
Kryebashkiaku Ihor Terekhov bëri të ditur se raketat goditën dy distrikte, duke dëmtuar më shumë se 10 banesa.
Ukraina vazhdon t’i rezistojë pushtimit rus prej më shumë se katër vitesh, me mbështetjen e aleatëve perëndimorë.
Ndërkohë, presidenti ukrainas Volodymyr Zelensky pritet të zhvillojë bisedime me presidentin amerikan Donald Trump në kuadër e samitit të NATO-s në Ankara.
Presidenti Zelensky synon të sigurojë dërgesa shtesë të sistemeve të mbrojtjes ajrore Patriot për të përballuar sulmet e vazhdueshme me raketa balistike.
Ky është sulmi i tretë me raketa balistike ndaj Kievit brenda një jave.
