Shkup, 21 nëntor – Komisioni për Financim dhe Buxhet në Kuvend do të vazhdojë debatin mbi amendamentet për Projektbuxhetin e vitit 2026 të hënën, më 24 nëntor, në ora 12:00.
Gjatë ditës së sotme, në ditën e katërt të debatit, u shqyrtuan amendamentet e paraqitura nga deputetët e Frontit Europian, të cilat kishin të bënin me ndërtimin e rrjeteve të ujësjellësit dhe kanalizimit, si dhe me rikonstruksionin e rrugëve lokale dhe rajonale. Asnjë prej amendamenteve të propozuara nuk u miratua.
Në katër ditët e debatit amendamentues, fokusi ishte në kërkesat për sigurimin e mjeteve financiare për zgjidhjen e problemeve infrastrukturore dhe komunale nëpër komuna. Megjithatë, asnjë nga amendamentet e paraqitura nuk mori mbështetje.
Projektbuxheti për vitin 2026 pritet të dalë për votim në seancë plenare më 9 dhjetor.
