Shkup, 14 tetor, Zhurnal.mk – Ministri i bujqësisë, pylltarisë dhe ujërave, Borçe Serafimovski, realizoi një takim pune me ambasadoren e Republikës Popullore të Kinës, Jiang Xiaojan, ku u diskutua për mundësitë e avancimit të tregtisë me produkte bujqësore dhe ushqimore, si dhe për shkëmbimin e dijes dhe përvojave në bujqësi.
Në pjesën e shkëmbimit tregtar, vëmendje e veçantë iu kushtua mundësive për plasmanin e verës maqedonase në tregun kinez. Prodhimi organik u veçua si segment shtesë me potencial për krijimin e lidhjeve të reja afariste mes prodhuesve dhe kompanive nga të dyja vendet.
Bashkëbiseduesit shqyrtuan mundësitë për bashkëpunim në aplikimin e teknikave të avancuara bujqësore, prodhimin inteligjent dhe përdorimin e burimeve të ripërtëritshme të energjisë në ekonomitë bujqësore, me qëllim përmirësimin e produktivitetit dhe përdorimin më efikas të resurseve natyrore.
„Bujqësinë moderne e shoh si bashkim të arsimit, shkencës dhe praktikës bujqësore. Arritjet shkencore marrin vlerën e tyre të vërtetë kur prodhuesi mund t’i zbatojë dhe t’i ndiejë përfitimet në punën e tij. Në këtë drejtim shohim hapësirë për thellimin e bashkëpunimit me Kinën dhe për ndarjen e dijes të përshtatur me nevojat e bujqve tanë“, theksoi ministri Borçe Serafimovski.
