Tensionet Kinë – Japoni zbresin edhe në Këshillin e Sigurimit të OKB-së

Të hënën, përfaqësuesi i përhershëm i Kinës në OKB Fu Cong i kërkoi përsëri kryeministres japoneze Sanae Takaichi të tërheqë thëniet e saj lidhur me Tajvanin e Kinës, në një debat të hapur në Këshillin e Sigurimit të OKB-së me temën “Udhëheqje për paqen”.

Thënie të tilla, tha Fu Cong, përbëjnë një ndërhyrje flagrante në punët e brendshme të Kinës, shkelin premtimet e bëra nga Japonia dhe shkojnë përkundër kursit dhe parimeve të Kartës së OKB-së.

Fu Cong ritheksoi se Tajvani është pjesë e pandarë e territorit të Kinës dhe se kthimi nga Japonia i Tajvanit, të cilin e kishte pushtuar në mënyrë të paligjshme, është një pjesë përbërëse e rendit ndërkombëtar të pasluftës.