Tetovë, një pjesë e qytetit pa ujë për shkak të një defekti në rrjet

Shkup, 25 mars, Zhurnal.mk – Një pjesë e qytetit të Tetovës ka mbetur pa furnizim me ujë të pijshëm, si pasojë e një defekti në rrjetin ujësjellës.

Nga NPK “Sharri” bëjnë të ditur se ndërprerja ka ndodhur për shkak të një problemi teknik në rrugën “Ivo Lola Ribar”, duke shkaktuar ndërprerje të përkohshme të furnizimit në zonat përreth.

Sipas njoftimit zyrtar, ekipet e ndërmarrjes janë angazhuar në terren dhe po punojnë me kapacitet maksimal për sanimin e defektit dhe rikthimin sa më të shpejtë të furnizimit me ujë.