Valbon Limani viziton aktivitetin e nxënësve të Shkollës së Mjekësisë në Gostivar

Nga D V
A+ A-
Rivendos

Shkup, 20 nëntor, Zhurnal.mk – Kryetari i Komunës së Gostivarit, Valbon Limani, ka vizituar aktivitetin e organizuar nga Shkolla e Mesme Komunale e Mjekësisë në Gostivar, me rastin e Ditës Botërore të Shkencës, nën moton „Shkenca – aty ku dija ndërton një të ardhme më të mirë!“.

Gjatë vizitës, Limani u njoh nga afër me demonstrimet dhe aktivitetet praktike të përgatitura nga nxënësit, përmes të cilave ata prezantuan njohuritë, kreativitetin dhe përkushtimin e tyre në fushën e shkencës.

Ai shprehu kënaqësinë për punën dhe angazhimin e nxënësve, duke përgëzuar drejtuesit e shkollës, mësimdhënësit dhe nxënësit për organizimin e aktivitetit.

„Si Komunë e Gostivarit, mbetemi të përkushtuar në mbështetjen e arsimit dhe të të rinjve, duke investuar në dijen dhe potencialin e tyre për një të ardhme më të mirë“, ka deklaruar Limani.

Aktivitete të tilla synojnë të nxisin interesimin e të rinjve për shkencën, të promovojnë të nxënit përmes praktikës dhe të krijojnë hapësira ku nxënësit mund të prezantojnë aftësitë dhe njohuritë e tyre.

artikuj të ndërlidhura

Kjo faqe interneti përdor cookies për të përmirësuar përvojën tuaj. Ne do të supozojmë se jeni dakord me këtë, por mund të çregjistroheni nëse dëshironi. Pranoj Lexo më tepër