Ish-banorja e Big Brother VIP Kosova, Xheneta Fetahu, ka reaguar ndaj ngjarjeve të fundit, konkretisht ndaj shpërndarjes në rrjet të disa videove me përmbajtje intime, në të cilat pretendohet se përfshihet kompozitori Adrian Hila, së bashku me disa persona të njohur të botës së artit dhe showbizit shqiptar.
Çështja ka nxitur reagime të shumta në publik, ndërsa lidhur me këtë ka reaguar edhe ish-banorja e BBVK-së.
Duke folur në vetën e tretë, pa e përmendur me emër kompozitorin në fjalë, Xheneta u shpreh e revoltuar ndaj burrave që xhirojnë gratë në momente intime dhe më pas shpërndajnë këto materiale.
“Kemi ikë për lesh si popull. Oh Zot i madh. Fiks sot dalin e bojnë moral, ndërkohë që disa ordinera burra bojnë video t’femrave n’momente intime edhe masnej i shpërndajnë, e prapë na dalin me na tregu neve çka osht morali”, u shpreh Xheneta.
Foto: Xheneta Fetahu / Instagram
“A s’ju vjen marre? Morali nuk osht me gjyku një femër për jetën e saj private. Morali osht me pasë respekt, me ditë me majt privatësinë e tjetrit edhe mos me e shfrytëzu një moment intim për me poshtëru dikon”.
Ajo gjithashtu vuri në dukje fenomenin shqetësues të shpërndarjes së këtyre përmbajtjeve intime, duke kritikuar mënyrën se si vëmendja publike zhvendoset te personat që shfaqen në video, ndërsa anashkalohet përgjegjësia e atyre që i kanë regjistruar apo shpërndarë ato.
“Ma e keqja osht që videoja përhapet, krejt e shohin, e pastaj prapë viktima bohet temë diskutimi. Për disa burra që e kanë incizu e shpërnda, papritmas s’po flitet hiç”.
