9
Ersekë, 7 shtator Zhurnal.mk – Një 77-vjeçare është gjetur pa shenja jete këtë të hënë në banesën e saj në Kolonjë (Ersekë).
E moshuara jetonte e vetme, ndërsa fëmijët e saj ndodhen prej vitesh në emigracion. Sipas të dhënave paraprake, policia është njoftuar nga një fqinj dhe ka mbërritur në banesë, ku ka gjetur 77-vjeçaren të pajetë.
Nga këqyrja paraprake e trupit nuk janë konstatuar shenja dhune. Dyshohet se e moshuara ka ndërruar jetë për shkaqe natyrale. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
Ndërkohë, pritet përfundimi i procedurave mjeko-ligjore, të cilat do të përcaktojnë edhe shkakun e saktë të vdekjes.
