Portieri i Real Madridit, Thibaut Courtois, ka vendosur të marrë një pauzë të zgjatur nga futbolli ndërkombëtar dhe për këtë arsye nuk do të jetë në dispozicion të Belgjikës për ndeshjet e Ligës së Kombeve.
Sipas Marca, vendimi i Courtois lidhet kryesisht me menaxhimin e ngarkesës fizike.
Portieri 34-vjeçar dëshiron të shmangë problemet me lëndimet dhe të jetë në gjendjen optimale fizike për t’u fokusuar te angazhimet me Real Madridin.
Rëndësia e tij në skuadrën madrilene është rritur gjithnjë e më shumë dhe Courtois nuk dëshiron të rrezikojë gjendjen e tij fizike.
Me një sezon tjetër të ngjeshur përpara, belgu synon të jetë në formën më të mirë të mundshme për “Los Blancos”.
Ndërkohë, Real Madridi pritet të nisë bisedimet me portierin për rinovimin e kontratës së tij.
Kontrata aktuale e Courtois me klubin spanjoll skadon në fund të këtij sezoni.
