Rikthehen tensionet te sheshi Skënderbej, protestuesit hedhin kapsolla e fishekzjarrë, policia përgjigjet me gaz lotsjellës

Tensionet janë rikthyer mes protestuesve dhe Policisë së Shtetit në zonën pranë sheshit Skënderbej, ku situata është përshkallëzuar pas një periudhe qetësie.

Protestuesit kanë hedhur fishekzjarrë dhe kapsolla në drejtim të policisë, ndërsa efektivët kanë përdorur gaz lotsjellës për të shpërndarë turmën.

Megjithëse pak orë më parë situata dukej e qetë, përplasjet kanë rinisur, duke rikthyer tensionin në protestën e kësaj të hëne në Tiranë.

Situata mbetet e tensionuar, ndërsa protesta vijon mes përplasjeve mes demonstruesve dhe forcave të rendit.