Dollnen, 6 prill – Më 05.04.2025, bazuar në një video të shpërndarë në rrjetin social Facebook, dhe për shkak të ekzistimit të dyshimeve për kryerjen e veprës penale sipas nenit 288 dhe 396 të Kodit Penal të RMV-së, zyrtarët policorë nga SPB Prilep, në bashkëpunim me zyrtarë policorë nga SPB Manastir, kanë kryer një kontroll në shtëpinë e personit Xh. Q. (51) në fshatin Crënilishtë, Komuna e Dollnenit.
Gjatë kontrollit janë gjetur tre armë të cilat i posedonte me leje: një pushkë gjysmë-automatike për gjueti, një karabinë me përsëritje dhe një pistoletë gjysmë-automatike, si dhe 395 plumba të kalibrave të ndryshëm, 17 fishekë gjuetie dhe një marrës (receiver) i lidhur me sistemin e mbikëqyrjes me video të instaluar në shtëpi.
Sendet e gjetura janë sekuestruar për shkak të dyshimeve për kryerjen e veprës penale sipas nenit 288 të Kodit Penal. Është konstatuar se personi i kishte armët me leje, por ato janë konfiskuar përkohësisht dhe do të iniciohet procedurë për heqjen e lejes së armëve. Xh. Q. është privuar nga liria, ndërsa janë duke u ndërmarrë masa për gjetjen e djalit të tij A. Q. dhe për zbardhjen e plotë të rastit.
