A është në lidhje me djalin e ish-presidentit shqiptar, flet këngëtarja shkupjane?

Nga D V
A+ A-
Rivendos

Jeta private e këngëtares shkupjane Kanita ka tërhequr vëmendjen e publikut, veçanërisht pas aludimeve për një lidhje me Besar Metën, djalin e Ilir Metës dhe Monika Kryemadhit. Megjithatë, këngëtarja duket se ka zgjedhur të mos ndajë detaje nga kjo pjesë e jetës së saj.

E ftuar në TAR, Kanita u pyet për arsyen pse preferon të jetë kaq e rezervuar sa i përket jetës sentimentale. Ajo shpjegoi se privatësia është e rëndësishme për të, pasi i mundëson të ruajë qetësinë dhe të mos lejojë ndërhyrjen e të tjerëve në marrëdhëniet e saj personale.

“Preferoj mos të flas për jetën private. Është diçka shumë e shenjtë për mua dhe mendoj se kur është private nuk mund të ndërhyjë asnjë njeri tjetër dhe jam më e qetë. Besoj te syri”, u shpreh këngëtarja.

Deklarata e saj vjen në një kohë kur emri i Kanitës është përfolur në mediat rozë për një romancë me Besar Metën. Megjithatë, këngëtarja duket e vendosur të mos e bëjë jetën sentimentale pjesë të ekspozimit publik, duke preferuar që disa gjëra të mbeten vetëm në rrethin e saj privat.

artikuj të ndërlidhura

Kjo faqe interneti përdor cookies për të përmirësuar përvojën tuaj. Ne do të supozojmë se jeni dakord me këtë, por mund të çregjistroheni nëse dëshironi. Pranoj Lexo më tepër