Banka Popullore shpall konkurs për hulumtuesit e rinj, thirrje për të rinjtë deri në 35 vjeç – çmimi i parë 130 mijë denarë

Shkup, 13 qershor, Zhurnal.mk – Banka Popullore e Maqedonisë së Veriut ka shpallur konkursin për ndarjen e Çmimit vjetor për hulumtuesit e rinj për vitin 2027, me qëllim të nxitjes së veprimtarisë kërkimore-shkencore dhe promovimit të kuadrove të reja profesionale në fushën e makroekonomisë, bankave dhe sistemeve bankare.

Në konkurs mund të marrin pjesë persona deri në moshën 35-vjeçare, shtetas të Maqedonisë së Veriut, të cilët do të paraqesin punime origjinale kërkimore nga fushat e përcaktuara. Nga e drejta e pjesëmarrjes përjashtohen të punësuarit në Bankën Popullore.Sipas kushteve të konkursit, për punimin më të mirë është paraparë një shpërblim në vlerë prej 130 mijë denarësh, ndërsa autori i punimit të renditur në vendin e dytë do të shpërblehet me 65 mijë denarë.

Banka Popullore thekson se çmimi synon të inkurajojë zhvillimin e mendimit shkencor dhe angazhimin e të rinjve në hulumtime që kontribuojnë në avancimin e njohurive në fushën ekonomike dhe financiare.Aplikimet duhet të dorëzohen në adresën elektronike të përcaktuar nga Banka Popullore, ndërsa afati i fundit për paraqitjen e punimeve është 1 shkurt 2027.