Shkup, 30 janar – Ministrja e Energjisë, Minierave dhe Burimeve Minerale Sanja Bozhinovska zhvilloi një sërë
takimesh bilaterale me përfaqësues të trupit diplomatik në vend. Bashkëpunimi ndërkombëtar dhe
partneritetet me vendet mike janë kyçe për të siguruar një të ardhme të sigurt dhe të qëndrueshme
energjetike për vendin tonë, theksoi Bozhinovska.
Thellimi i bashkëpunimit energjetik ishte në fokus të takimit të ministres së Energjisë, Minierave
dhe Burimeve Minerale Sanja Bozhinovska me ambasadoren e Lituanisë, Vilma Dambrauskiene.
Theksi u vendos në shkëmbimin e përvojave në tranzicionin energjetik dhe progresin e vendit
tonë në këtë drejtim, si dhe zbatimin e projekteve në sektorin e energjisë në drejtim të
qëndrueshmërisë ekologjike, ekonomike dhe sociale.
Ministrja Bozhinovska, në takim, theksoi angazhimin e Ministrisë për të ofruar kushte që vendi të
ecë drejt një mjedisi të qëndrueshëm energjetik.
Në kuadër të takimeve, ministrja Bozhinovska zhvilloi bisedime me ambasadorin e Austrisë në
Republikën e Maqedonisë së Veriut Sh.T. Martin Pamer, gjatë të cilave u shkëmbyen mendime
për politikat energjetike, tranzicionin energjetik dhe mundësitë për investime austriake dhe
mbështetjen e ekspertëve në zhvillimin e projekteve të qëndrueshme energjetike.
Në takimin me ambasadorin e Republikës Popullore të Kinës në vend, Xhiang Xiaojan diskutoi
shkëmbimin e përvojës midis dy vendeve, duke theksuar gatishmërinë e palës kineze për të
zbatuar praktikat e tyre në trajtimin e ndotjes së ajrit dhe aplikimin e burimeve të rinovueshme të
energjisë.
Në takimin me ambasadoren e Ukrainës në vend, Larisa Dir, ministrja Bozhinovska prezantoi
hapat konkretë të ndërmarra për të përmbushur standardet evropiane të energjisë dhe për t’u
integruar në tregun e përbashkët të BE-së. Në të njëjtën kohë, ministrja Bozhinovska theksoi
gatishmërinë e vendit tonë për të ndihmuar në përpjekjet për rimëkëmbjen e sektorit energjetik
ukrainas.
Takimet bilaterale që ka realizuar Ministria e Energjisë, Minierave dhe Burimeve Minerale janë
një konfirmim i angazhimit të Ministrisë drejt arritjes së vizionit për një të ardhme të pastër, të
drejtë dhe të qëndrueshme energjetike.
