Sulmuesi i Leeds United, Dominic Calvert-Lewin, ka komentuar fitoren e rëndësishme 2-1 në udhëtim ndaj Manchester United, në javën e 32-të Ligës Premier, duke theksuar rëndësinë e tre pikëve në këtë fazë të sezonit.
Duke folur për rëndësinë e rezultatit dhe qasjen e skuadrës, ai u shpreh:
“Ky është një rezultat shumë i rëndësishëm për ne. E dinim këtë edhe para ndeshjes”.
Më tej, sulmuesi nënvizoi mentalitetin fitues të ekipit.
“Erdhëm këtu për të fituar, ky ishte mentaliteti ynë dhe e zbatuam planin e lojës duke marrë tre pikët. Është e rëndësishme të mos i kushtojmë shumë vëmendje zhurmës së jashtme dhe të fokusohemi vetëm tek ajo që kemi përpara”.
Në fund, Calvert-Lewin vuri në dukje objektivin kryesor të skuadrës.
“Është e lehtë të vish këtu dhe të bësh histori, por kjo nuk ka rëndësi në fund të sezonit kur numërohen pikët”.
Sa i përket incidentit që çoi në kartonin e kuq për mbrojtësin e Manchester United, Lisandro Martinez, ai dha versionin e tij të ngjarjes.
“Mua më dukej sikur më tërhoqën nga flokët, ia thashë këtë gjyqtarit dhe vendimi i takon atij. Është për të ardhur keq për të. Pavarësisht nëse kishte apo jo qëllim nuk mbaj mëri, por kështu ndodhi”, përfundoi Lewin.
