Crans-Montana, 9 janar – Familja e 16-vjeçarit Stiven Ivanovski, i cili humbi jetën tragjikisht në zjarrin në barin “Constellation” në Crans-Montana, Zvicër, gjatë pritjes së Vitit të Ri, ka bërë thirrje për donacione për mbulimin e shpenzimeve të varrimit.
Stiveni ndodhej në bar së bashku me motrën e tij, e cila për fat të mirë mbijetoi pasi kishte dalë për pak kohë jashtë. Shoqata maqedonase “Pijanec” në Zvicër e përshkroi tragjedinë në rrjetet sociale si “një fat i tmerrshëm për këtë vëllazëri” dhe apeloi për ndihmë.
Shoqata njoftoi se janë hapur llogari bankare për të mbështetur familjen në përballimin e shpenzimeve të varrimit dhe për ndihmë financiare në këtë periudhë të rëndë zie.
Për donacione në Maqedoni:
Llogari xhiro: 300057104118092 (Komercijalna banka)
Qëllimi i pagesës: Donacion për Stiven Ivanovski
Kodi i pagesës: 562 – pagesa për donacione
Për jashtë vendit:
IBAN: MK07300307065362360
SWIFT: KOMSMK2X
Çdo gjest ndihme, sado i vogël, do të jetë një mbështetje e çmuar për familjen e Stivenit në këtë kohë të vështirë humbjeje.
