624
Shkup, 8 korrik, Zhurnal.mk – Kryetari i Komunës së Tetovës, Bilall Kasami, ka njoftuar se ka pritur në takim drejtoreshën e Gjinekologjisë në Çair, Merale Ferati.
Sipas Kasamit, gjatë takimit është biseduar për funksionimin e institucioneve shëndetësore, sfidat me të cilat ato përballen, si dhe mundësitë për avancimin e shërbimeve shëndetësore në interes të qytetarëve.
Ai theksoi se ofrimi i shërbimeve cilësore në shëndetësi mbetet një nga prioritetet kryesore, duke vlerësuar se bashkëpunimi ndërinstitucional është thelbësor për të siguruar shërbime më efikase dhe dinjitoze për çdo qytetar.
Në fund të postimit, Kasami e falënderoi Merale Feratin për vizitën dhe përkushtimin e saj në shërbim të qytetarëve.
